阿明
[樓主]

2009年2月27日（星期五）

頭條日報 誘買美容療程榨取金錢 模特兒騙案未見減 「橋唔怕舊，最緊要受」，模特兒騙案的受害者不一定是青春少艾、靚仔靚女，其貌不揚的男女也可能成為目標。尖沙咀

出現一幫街頭騙徒，無論你高矮肥瘦，她都把你說成是市場渴求的試衫模特兒，有兼職工作介紹，但要先做一些美容療程令拍照時更為上鏡，當事主付錢後，工作卻是遙遙無

期。

「?鶪k人年紀三十至四十，約一點五米高，帶有些少鄉音。」林小姐上星期行經尖沙咀金馬倫道，一名女子走近向她兜搭「你係唔係?大碼衫呀？」她之後自稱是製衣

公司職員，急需兼職試衫模特兒，每次工作有百多元酬勞。 女子見林小姐放慢腳步，知道有興趣，即時用酬勞來吸引她，「拍運動衫每次百二，拍時裝照就百五蚊一次」，

自認身材略胖的林小姐，從未想過自己有機會變成模特兒，加上酬勞吸引，心郁郁之下跟隨該女子到附近的商業大廈，到一家公司試衫。 事主多經不起游說 林小姐試了兩件

衫，公司一名自稱經理女子出現，迅速判斷林小姐符合公司試衫模特兒的要求，可以給予工作，但經理指林小姐的皮膚及身形，在工作期間必須保持現況，推薦

她到位於同一條街另一商廈的美容公司，進行皮膚測試。 經過簡單測試，美容公司職員向林小姐提議參加一個二百九十八元優惠價的美容療程，但要一

次過購買一百次服務，即二萬九千八百元，林覺得昂貴，有意打退堂鼓，製衣公司女職員即鼓其如簧之舌，表示公司不斷會有工作，付出的美容費用，很快就會賺回。

林經不起游說，終於取出信用卡先付六千元訂金，之後離開回家等消息，但林數度致電製衣公司詢問是否有工作，職員回覆都是「未有安排」，她致電美

容公司預約時間進行療程，職員同樣以時間已被人訂滿，未能安排。跟友人同樣遭遇 在一次偶然談話間，林小姐竟發現身邊一名朋友有同樣遭遇，而且付出的金錢石沉大

海，她懷疑受騙決定到灣仔警署報案，但接見的警員了解後，表示林小姐與製衣公司沒有簽署任何合約，而美容公司提供美容療程，又沒有設定時限，因此認為對方沒有觸犯

法律，警方無能為

力。 事後林小姐輕歎：「呢個世界邊有咁大隻蛤乸隨街跳，六千蚊當買個教訓。」 本報曾經在去年三月十日獨家報道同類的模特兒騙案，事隔差不多一年，尖沙咀的騙徒仍

然活躍，死而不僵。警方指去年全年，共接獲四千六百五十三宗涉及詐騙的案件，每天幾乎發生十三宗。

想請各受害者連絡我一起上去理論人多好做事

假如你還有金錢未取回, 而又害怕自己上去 請連絡我, 我想集合多d 受

害者一起上去攪大佢

我知道我一post 出來, 一定會有好多幸災樂禍既回應,

但希望大家係發出恥笑既回覆前, 想一想如 果這事發生在你家人既身上, 你會有何感受?

再者, 幸災樂禍既說話只會令受害者更加忍氣吞聲, 變相 助就呢d 騙 人公司橫行!! 希望大家多一點正義感, 仲出援手! 把這文轉貼到其他forum.

我的連絡 e-mail: voiceout2010@yahoo.com.hk
pm 俾我都得

0 0

• 
  李明

  我比晒啦..

  引用 發表於：2013-01-27 03:49
  0 0
• 
  Jay

  哇!我今日就係咁岩行過尖咀,好彩真係有事要走人!!如果唔係一定甩唔到身
  當我岩岩係地鐵站出黎行左幾步果陣就有個女仔行埋黎問我話係咪著中碼衫,跟住我都答佢話差唔多la,佢話佢地有個女仔做緊佢地pt既,佢地係制衣廠之類果d,話而家個女仔走左,急要人幫佢地試衫,佢up完一輪見我唔多信之後,佢就講話做pt有$1xx幾蚊人工,出現金
  咁我就跟左佢上佢樓上填寫資料la,見到要寫身份證我即問佢:乜要寫身份證呀?(如果要我死都唔寫),點知佢就話唔洗,就正係樓主話齊,好似好安全咁,之後佢問我一陣得唔得閒,我話唔得閒呀,有朋友黎我屋企食飯要趕返去,同埋都要去佐敦拎野,之後佢先話好啦~如果ok星期1就打俾你啦
  我都覺怪怪地,所以上網打佢間公司名(佢俾左卡片我),點知見到係呃人@@真係好彩!!!!多謝你地呀!!我都會同我d fd講哩件事,等佢地小心d!!!

  引用 發表於：2013-01-27 04:26
  0 0
• 
  李明

  你呢單係幾時架?
  因為我個間美容唔係呢個名架喎..
  叫完美架..
  我PM左你牙..

  引用 發表於：2013-01-27 06:12
  0 0
• 
  李明

  唉..尋晚反到屋企即刻上網check..
  點知真係中招..
  即刻去左警署備案..但sir話而家咩都做唔到..

  引用 發表於：2013-01-27 07:01
  0 0
• 
  ChaitalyTo

  警方係好多年前已經講左好多次
  以現時法例, 哩d只係私人爭執
  係客人同美容院之間既問題
  警察係無權做任何野, 只可以備案(即係証明你去過投訴)
  之後就叫你去消委會, 基本上即係不了了之
  警察唔係唔幫你, 而係根據法律, 佢地根本無犯法
  因為你係俾錢去美容院買服務,
  而俾錢既時候你自己已經好清楚d錢係要黎支付美容服務既
  咁你依家反口話唔要服務, 想人回水
  其實好難搵人幫到你
  
  你都識講警察話上年已經收左四千幾宗投訴
  如果有野做得既已經做底左間公司啦, 你估佢唔洗同上面交代?
  收得四千幾宗都唔去拉人, 即係大家都知根據法例警察都無佢符啦
  
  一係修改法例, 美容院都要有好似保險果d冷靜期, 幾多個星期內可以回水
  但係到時d人又可以諗過d新招, 每三個月一招, 你立例都立唔切啦
  
  對哩d人,  一係你有把炮用非常手段對付佢地, 一係你自己下次帶埋個腦先出街

  引用 發表於：2013-01-27 10:48
  0 0
• 
  Kester

  
  
  我比人騙了1萬蚊////點解.....
  
  我死笨....邊個幫我追返條數...........

  引用 發表於：2013-01-27 15:27
  0 0
• 
  Javan

  路過

  引用 發表於：2013-01-27 15:34
  0 0
• 
  TanushiSun

  你上0左去追討未? 有乜updates? 我明天會去...

  引用 發表於：2013-01-27 15:54
  0 0
• 
  李明

  各位受害者一定要出聲阿..

  引用 發表於：2013-01-27 16:26
  0 0
• 
  Shashwat

  係啦= =我想同你地講一聲既係....
  警方唔會將同一間公司的懷疑騙案一齊處理,佢地要所有當事人一起去先可以開到file處理同一間公司=  =""....so...佢地只會當你地係.個別個案處理..簡單d講就係...仍地只認為你地都係上當但就唔知係唔同一間公司.@@

  引用 發表於：2013-01-27 18:45
  0 0
• 
  Shashwat

  咁你都可以問佢地近期有過d咩工作,如果佢地好耐都未叫過人開工,同時又係咁招人(用有份model工作拍照好合你呢句),咁分明有意圖瞞騙,你可以指出當時話有那份拍照究竟係邊一份(最好過程有人伴同)

  引用 發表於：2013-01-27 18:58
  0 0
• 
  Asparouh

  請問仲有冇人會一齊去聲討?
  我今日俾佢地呃左我$10000...
  好迷茫啊而家...

  引用 發表於：2013-01-27 20:18
  0 0
• 
  Ziv

  我想問有無人一齊去追錢? 如果有我都會一齊去.

  引用 發表於：2013-01-27 20:46
  0 0
• 
  志明

  請問你地追討左未????????????? 我今日都俾人呃左.................... 點解我咁777777777777

  引用 發表於：2013-01-27 20:51
  0 0
• 
  李明

  唉,,係美容公司份合約有寫明冇得退反錢牙..
  如果佢真係可以BOOK到期有得做美容我都冇咁嬲..
  最怕又係個D長期BOOK唔到囉..

  引用 發表於：2013-01-27 23:51
  0 0
• 
  李明

  你又係受害者?

  引用 發表於：2013-01-28 00:45
  0 0
• 
  李明

  即係點?
  因為佢約左我星期二上去做FACIAL之後試衫..
  咁我應該點做好?

  引用 發表於：2013-01-28 01:21
  0 0
• 
  Ziv

  間野都只係會開頭約你2-3次上去做fifting, 之後都只係話d辦未知幾時返, 遲d有辦返再約你, 但係等幾個月都唔會打俾你約上去ga, 都係呃人ga.

  引用 發表於：2013-01-28 01:46
  0 0
• 
  王允

  我岩岩俾人呃左囉~~成萬幾蚊呀!
  點算好呀

  引用 發表於：2013-01-28 02:42
  0 0
• 
  李明

  佢尋日已經講明,,佢地既工作時間唔定..
  唔可以確定真係有幾多野做..
  同埋佢話佢地係PART TIME形式係唔會有合約喎..

  引用 發表於：2013-01-28 03:37
  0 0

發表回覆：